Адкрываю нанова беларускае роднае слова...
21.02.2017Давайце не цурацца нашай мовы,
Заўжды на мове роднай размаўляць,
Бо хіба ёсць пяшчотней што, чым словы,
Якія з вуснаў матчыных гучаць.
Я.Багдановіч
21 лютага ў нашай установе адукацыі прайшло свята "Адкрываю нанова беларускае роднае слова...", прысвечанае Міжнароднаму дню роднай мовы.
Свята пачалося песняй "Гаворка беларуская" ў выкананні ансамбля "Радзімічы". На гэтым мерапрыемстве прагучала шмат вершаў, загадак, песень, легенд на роднай мове. Вучні 5-8 класаў разгадвалі крыжаванкі, успомнілі беларускія народныя прыказкі і прымаўкі. Разважалі над высказваннямі вядомых беларусаў пра родную мову. Свята закончылася Лядзецкай полькай.
Людзі павінны трымацца роднага слова, таму што яно - роднае, спрадвечнае, а не таму, што прыгажэйшае за гаворку суседзяў.
Антановіч Дзіяна, вучаніца 6 класа.